用家分享 / Meluna S Classic Review


寫個小感想 用緊的是MeLuna, size S, stem (短柄),閃閃藍色 使用方法應該有好多文,不過暫時見都係C fold為多 推介一下,我是用origami fold的,好處是個頭窄,可以對準放入去 origami fold:
Origami fold - happeriod's clients
我算係流量少的,即使用m巾都一日少於四張,所以我用細碼就夠,頭一日就要5-6個鐘就拎出黎倒,好多時都唔會full,第一晚臨睡前放入去,加多塊日用m巾 (in case滿)就夠。第二日開始基本上就可以早晚倒一次。 唔知點解,用mooncup我覺得好興奮,每次都好期待拎出黎睇下啲血咩色,呢樣野真係同m巾好大分別,以前用m巾每次換都臭到仆街,又血又汗咁,用月亮杯係完全無味,每次換完仲好有成就感。 幾耐先上手? 我頭兩次period都未上手的,都有好緊張拎唔返出黎既感覺。

不過,佢係點都唔會走入子宮的,只係太緊張,同身體溝通唔到所以先至要同佢搏鬥一番。試過朝早起身拎唔到出黎,食指伸入去只係摸到柄柄,又唔夠伸兩隻手指入去夾住,搏鬥到汗流浹背都未拎到,仲夾痛自己。放棄左出返去,上網搵solution,試下「小便肌」用力,感覺就好似你忍左好耐好耐,然後坐落馬桶用力解放的感覺-係「用力」解放,唔係由得佢放鬆流出黎,係「用力」個個感覺。小便肌用力,十下之後,我手指就係陰道口reach到個柄,慢慢拉出黎。 拉出黎既感覺? 唔痛,正如你大便唔痛;如果你大便會痛,應該係你便便太硬,mooncup唔硬的lol。 

講開硬度,再比個參考: 
呢個係MeLuna三款不同的硬度。我係classic。 棉條與mooncup? 認真,我唔鍾意棉條既程度大過m巾。除左貴,仲因為佢會吸乾水份而令我好虛,成日頭暈暈咁。我流量唔多,用棉條又要等佢吸左血先可以換,有時拎出黎佢都未吸夠,就會覺得痛。 不過用左棉條 2-3個period,有左個基礎,所以用mooncup快上手好多。 

姿勢? 我置入的時候用坐,但就坐後少少,等屁股可以有野挨住借力。拎出黎時,就用蹲,(好似因為)可以縮短陰道,就會易啲reach到,不過學識用小便肌之後,就坐馬桶都ok。 我真係好鍾意用mooncup。對於咁好用既野,係香港仲未普及就覺得好鬱悶。

貼士
一、先用棉條,試下有野進入既感覺。 
二、倒落廁所前,先墊一塊紙巾係馬桶,咁佢就會「依附」係張紙巾上面沖走,而唔係馬桶底。 三、坐係馬桶上置入/拿出,都唔該除哂條褲,唔好兩隻腳仲叉住褲管,點張大對腳? 
四、無論係棉條定mooncup,千其唔好緊張就handicap。身體是你自己的,你自己都係經陰道生出黎的,佢比你想像中strong,係有時stubbon少少,切記受軟唔受硬,學識用「小便肌」令佢自動自覺推出黎,不廢吹灰之力。 

PS 黎m千其千其唔好著緊身褲。尤其香港夏天又濕又熱,黎m仲要免疫力低,好易會發炎。 希望可以多啲人用啦!!!

原文:
http://on.fb.me/1lNGrJR

1 comment

  • 我的分泌較多, 棉質護墊很不舒服, 從其他地方得知, 用月經杯去盛分泌, 我特買了MELUNA CLASSIC S, 更容易置入, 完全沒有不適, 異味, 更自在, 還不怕PERIOD 突然到訪, 真的超正, 又可以向環保貢獻多一分了. 護墊BYE BYE

    Michelle

發表評論

請注意,評論將在批准後發佈。