🎈新年新習慣：開展屬於你的月經Journal
店主Zoe曾辦工作坊同大家介紹如何將自己嘅月經週期同特質紀錄落嚟，寫成自己獨一無二嘅月經誌。在此將分享一些重點，希望大家能夠嘗試這個新的習慣：
🩸記錄月經週期日子，例如邊一日第一日嚟Ｍ？經期嚟咗幾日？幾時開始有月經前嘅不適（PMS經前綜合症）？有啲bloodies 對排卵日都會有特別嘅身體感覺，都可以記錄落嚟。
🩸嚟M時嘅情況係點呢？經血嘅量、顏色、有無血塊？
🩸身體其他嘅感覺又如何呢？有無頭痛頭暈、腰痛肚痛、或者手腳冰冷？
🩸心情如何？有無突如其來嘅低落／心緒不寧等等？
點解記錄經期對bloodies 嚟講咁重要呢？
💧更了解自己嘅經期，更好地照顧自己
💧知道自己經期pattern係點，更容易留意自己有無早咗／遲咗嚟M
💧週期不規律可能是壓力過大、飲食失調、卵巢多囊症甚至卵巢癌先症狀，及早發現問題可以及早求醫
💧預視到自己在週期那一個階段容易情緒波動，更好地接納自己或起伏或低沉的多變情緒－在因不同疾病或身體狀況求醫時，醫生都可能會問你經期嘅狀況，如果有好好記錄就可以幫助自己更好地對症下藥
💧大概知道幾時嚟M，準備定自己嘅月經百寶袋，適合嘅時間食supplement或食療等等，都會讓自己每個月過得更舒服同安心
喺度鼓勵每一位blooodies嘗試開展這個新習慣，並體驗記錄月經的好處，同時邀請大家分享俾一位朋友，邀請佢哋一齊製作呢本月經Journal！
