夏日炎炎！去旅行~去戶外活動~月經裝備小貼士～月經杯／月經碟篇～
分享
今年夏天熱！到！爆！
不過相信有好多bloodies 仍然計劃緊暑假出遊，或者趁夏日進行各種戶外活動，我哋準備咗一啲小貼士，希望令大家可以過得更清爽、玩得更盡興！
1. 月經杯/ 月經碟篇
流量大／外出時間長
🍷大容量月經杯／月經碟+消毒用品+容器
去旅行或者戶外活動，都可能會逗留喺室外一段較長嘅時間，無咁容易有合適嘅機會清理月經杯／月經碟，呢啲時候，可以選擇如Super Jennie、月釀杯、Merula Cup或者Hello Disc、月釀碟、Intimina Ziggy Cup Size B呢啲容量較大、防漏效果較好嘅杯或碟，咁就可以上山下海都唔駛成日心掛掛啦！配搭埋布護墊或者月經褲使用就可以更加安心啦！
流量小／外出時間短
🍷小容量月經杯／碟+布護墊+消毒用品+容器
如果係較輕鬆嘅行程，比較多機會喺室內休息同處理你嘅月經用品，或者你只係喺沙灘晒下太陽唔使點落水，就可以考慮用Ruby Cup、Lunette Cup、Fleur Cup、月釀碟（迷你型）等容量較嘅杯或碟，有需要先再配搭埋布護墊加強防護，咁你嘅旅程就可以輕輕鬆鬆、清爽舒適啦！
小提醒：
如果未用過月經杯或月經碟，記得唔好為方便就有幾大隻買幾大隻，除咗有機會放唔入之外，仲有可能會出現滲漏甚至令身體不適，咁就得不嘗失啦。想了解點樣揀，可以參考返以下文章：
消毒：
如果你係短途嘅五天內旅程，可以喺出發前先將杯／碟烚好，放喺乾淨嘅容器裡面，去到要用前用Hyginova噴勻產品然後等三十秒自然風乾，就可以開始使用啦！
如果你係長途旅行，建議大家帶定一個消毒杯，配合埋Miltion迷你消毒丸，當你需要使用月經杯／月經碟，就可以先將隻杯或碟放入消毒杯，然後加入清水同兩粒消毒丸入去，浸返15分鐘之後過一次清水就可以完成消毒，放心使用啦！經期完結亦只需要用返相同方式消毒，就可以直接將隻杯／碟收埋喺消毒杯入面帶返走。幾樣嘢加埋分分鐘仲細過一包Ｍ巾，但可以陪你四圍去，方便又慳位～
推薦大家睇埋同系列另一篇分享，了解更多月經產品，等大家可以做最好嘅選擇：
夏日炎炎！去旅行~去戶外活動~月經裝備小貼士～布衛生巾／月經褲篇～
