用家分享/ Femmy Cycle Teen

用家分享/ Femmy Cycle Teen

第一次用月經杯,是一個神奇的體驗﹗原來經血係咁GA!!!!! 同埋原來自己個身體同period流出來的原理係咁GA!!!! 真係用左先知,好神奇呀!!! 亦都覺得有D對自己身體唔住,同佢共活30多年,依加先認識佢多左D

體驗令我我忍唔住同男友討論左成晚,驚覺可能好多女生的另一半,都比本人更認識本人的身體 驚覺原來自己同自己個身體,原來唔係好熟……

講返使用體驗,由於我買的是Femme Cycle Teen,因為買的時候對自己身體太唔了解,用落先知個杯太細,要拎出來都要搵一搵先知佢去左邊,但感覺一D都唔驚,因為佢有隻耳仔,好好拉;同埋上左家家學堂的手縫悅事工作坊,記得M的教主Zoe話過,隻杯入左去係唔可能會走左唔知去邊的 (我好留心上堂GA),所以好安心、好淡定,好快就搵到杯的耳仔了。

同埋用月經杯,其實都唔係好難用,入去時2、3次已成功,入左去,係絕對無感嘅 (不過本人是多年的棉條使用者),非常輕鬆自在,亦唔似棉條硬係有一種乾吸的感覺。月經杯感覺自然多了~

不過因為隻杯對自己來說太細,所以流量多的頭第二日,竟然1、2個鐘就滿左,真係好澎湃。因為流量太澎湃,第一次拎出來時,都有少少lere hair,同埋未知點用力,所以都有少少唔舒服。但係第二次拎出來,自己識得就返道力,咁就好好多了 (嗰吓仲覺得自己好醒、好有進步咁)

Femme Cycle的防倒瀉設計,應該係幫到手的,但當然由於流量多,拉出來時,點都會瀉少少的,但係都係倒瀉落個馬桶,平時都係咁ga la~

月經杯係好用的,所以我會再接再厲,買過隻normal size的Femme Cycle,再試吓先~

多謝happeriod小刺蝟,讓我有機會接觸到月經杯~

Back to blog

Leave a comment

Please note, comments need to be approved before they are published.